رباعيات-1

ليه بتحكوا اللي جرا

أنا كنت ناسيته

لو تعرفوا م اللي جرا

إيه اللي قاسيته

 

 

قصة الغول . . والفلول

قصتُنا بدأت لتقول

كان هناك حاكم غُول

يسرقُ شعبًا مجهول

يقتلُ شعبًا مقتول

تُرَى أيهما المسئول

صبرًا فالشرحُ يطول

.

.

.

كانَ هناك حاكم غُول

لم يحسِبْ أنَّ الحُكْمَ يزول

طالَ الليلُ وسادَ الغُول

حتى قامَ الشعبُ يقول

ارْحَلْ ارْحَلْ يا مسئول

نعم فأنا مقتولْ مقتولْ

.

.

.

رَحَلَ الحاكمُ ترَكَ فُلول

زادوا مِنْ قَتْلِ المَقتول

اللامعقول صارَ المعقول

واللامقبول عَيْنُ المقبول

زادوا . . بل فاقُوا الغُول

.

.

.

حتى قامَ الشعبُ يقول

ارْحَلْ ارْحَلْ يا . . فُلول

نعم فأنا مقتولْ مقتولْ

رَحَلَ الفُلّ وتَرَكَ فُلول

زادوا مِنْ قَتْلِ المَقتول

صَارُوا على نَهْجِ الغُول

.

.

.

وجاءَ اليومُ المَأْمول

واختار الشعبُ المسئول

اثنان أحدهما فُلول

فكيفَ الثَّأْرُ لِمَقْتول

حتى تثأر للمقتول

اخْتَرْ إخوانًا أو فُلول

.

.

.

اخْتَرْ إخوانًا أو فُلول

هَذَان سبيلا الوصول

واحْذَر . . أنتَ المسئول

إنْ بِعْتَ دِماءَ المقتول

احْذَر . . أنتَ المسئول

احْذَر . . أنْ يعودَ الغُول

ثورة يناير - الحلقة الثانية

ولحد ثمانية وعشرين

الجمعة ثمانية وعشرين

ضرب النار ملا الشوارع

وكل مجرم طاح في الشارع

راح الشرطي ولا هوش راجع

وكأنه لا شايف ولا سامع

قولنا ننزل نحمي بيوتنا

وندافع عن ناسنا وقوتنا

بأرواحنا حتى ولو موتنا

دا فدا وطننا وأمتنا

اللي اتعشى أو ما اتعشى

صاحب فيلا وصاحب ورشة

عامل فرنة وساكن عشة

اللي بشومة واللي مقشة

الكل سهران متواصل

الكل في الشارع نازل

العامل وكمان العاطل 

بيعمل حاجة أو مش عامل

ثورة يناير - الحلقة الأولى

عمري ف يوم ما مشيت في مظاهرة

ولا حتى خطرت لي الفكرة

فاكر حد دعاني ف مرة

أيام جامعة ولا مذاكرة

طول عمري بعيد عن السياسة

وكلامي عنها في الخباسة

همي شغلي والدراسة

ولا شفت يوم شكل الرصاصة

وحتى يوم خمسة وعشرين

رحت شغلي مع الرايحين

وآخر اليوم تاني راجعين

قعدت شفت التليفزيون

لقيته خالي من المضمون

ورئيس تحرير شكله مأفون

بيتكلم زي المجنون

كلام مالوش دعوة بالواقع

بيقول شبابنا دا شباب واقع

وواحد تاني جاي بيدافع

بيقول شبابنا شباب رائع

قالوا دا شباب الفيس بوك

قاعد ع النت وبيعك

بتاع أغاني ورقصة روك

هيتمشى شوية ويفك

لقوا الشباب واقف ف الوش

وصوته عالي ما بيوشوش

شباب جريء ما بيتهوش

سدوا الطريق لقوه بيخوش

ضربوا الشباب ع الإيد والوش

ضربوا شباب رافض للغش

والتليفزيون بتاعنا يغش

ضربوا الشباب لكن ع الدش

سأتم جميع الأعمال

سَأُتِمُّ جَمِيعَ الأعْمالِ

وَسَأَتْرُكُ سِينَ التَّسْوِيفْ


لَنْ أَسْعَى يَوْمًا لِكَمالِ

مَهْمَا حَاوَلْتُ التَّخْفِيفْ


لَنْ أَتْرُكَ لِي مِنْ أَذْيالِ

فَالذَّيْلُ.. الذَّيْلُ مُخِيفْ